ناديت باعلى الصوت وهّاج الشموس ..
عاديت نجم الليل واطياف القمر
هاديت زهرٍ كيف ترويه النفوس..
قاضيت حَرّ الوقت واسياف الدهر
عدّيت غيم الكون علمته دروس..
وأبديت غالي الشوق لأرياف الشجر
واسيت بدرٍ غاب عن رمل الطعوس..
وأشقيت قلبٍ دوم يتحرى الفجر
أسقيت روحي كأس من عذب الكؤوس..
وأرقيت نفسي ذكر من عين القهر
لبيتْ صبحٍ صاح: وينِك يا عروس..
والبستْ راسي تاج من
تبر الشعر
خليت نورِك فوق خدّي له يبوس ..
ما غير نور الشمس يهزم ذا الخفَر
ياليت كل الوقت اشراقٍ ونوس..
لا هاج هادي الموج من
دقة وتر