مشكاة جوفك رمزها اليوم سري
عجزان ادور لي هكر يخترقها
الماس مخزونة كما قيل تغري
اهل القلوب الغارقه في غرقها
مذهول واقف دون مصباح سحري
يسأل عتيم الليل كيف استرقها
ماكنت احسبه غصن زيتون يطري
لين إيتمايل تحت خضرا ورقها
يا اهل الطلاسم اسعفو لوبسطري
يفك عقدة شفتها في عنقها
لاجيت اقرب شوش ابراج فكري
ماعاد اشوف الطيف يرقب برقها
قلب التهامي ماتعرض لغدري
بس الحظوظ اوقات تغوا طرقها
قد شيّحت روحي خضارٍ وعطري
وانشت بجوفي فوق يابس عرقها
نظرة عيونه كنها الرمح مبري
تعدل رصاصة ثايره من فشقها
زود التغلي حِمْل قد هد عمري
مشكاة جوفك من هو اللي غلقها ؟