(رغم ابتعادي.. كنت وحدي اتبعك)
واشوف ظلك في عماي واسمعك
تشره علي وانا على خبرك تعبت
اهجر عناوينك واسكن مخدعك
وافارق الدنيا اخليها واجيك
بكل حالة صمت اصرخ بـ اضلعك
واتلفت احزاني بعد صدمة بلاك
لا بارك الله في شعور اتولعك
شفتك نظر عيني ودربي ما يحيد
وافراح صدري كيف تقدر تمنعك
صديت عن كل شي ولكل شي أجيك
أجيك كلي تارك اشيائي معك
واتابعك مادام اشيائي معاك
واشياك فيني غصب عني ترفعك
يا خطوة الفرقة تمادي من بعيد
ابعد بعيد احسن أو احسن (اتبعك)